গ্ৰামীণ যুৱক-যুৱতীসকলৰ কৌশল প্ৰশিক্ষণৰ লক্ষ্য হৈছে কৃষি আৰু অনা-কৃষিজাতীয় ক্ৰিয়াকলাপসমূহ সম্পন্ন কৰিবলৈ কৌশলী জনবল সৃষ্টি কৰাৰ বাবে আৰু গ্ৰামীণ যুৱক-যুৱতীসকলৰ নিযুক্তি উন্নীত কৰাৰ বাবে কৃষি আৰু আনুসঙ্গিক ক্ষেত্ৰসমূহৰ, কৃষি-ভিত্তিক বৃত্তিমূলক পাঠ্যক্ৰমসমূহৰ ওপৰত গ্ৰামীণ যুৱক-যুৱতীসকলক কৌশল-ভিত্তিক প্ৰশিক্ষণ প্ৰদান কৰা। ১৮ বছৰ আৰু তাৰ ওপৰৰ বয়সৰ, ন্যূনতম পঞ্চম শ্ৰেণী উত্তীৰ্ণ যোগ্যতাৰ (বাধ্যতামূলক নহয়) গ্ৰামীণ যুৱক-যুৱতীসকলক এই কৌশল প্ৰশিক্ষণৰ বাবে বিবেচনা কৰা হব। ভাৰত চৰকাৰে কৃষি, উদ্যানবিদ্যা, পশুপালন, দুগ্ধ আৰু মীনপালনক সামৰি ৫০টা কৌশল ক্ষেত্ৰ চিহ্নিত কৰিছে।

            ৰাজ্যিক পৰ্যায়ত স্থাপিত  ৰাজ্যিক কৃষি ব্যৱস্থাপনা আৰু সম্প্ৰসাৰণ প্ৰশিক্ষণ প্ৰতিষ্ঠানসমূহৰ জৰিয়তে ৰাষ্ট্ৰীয় কৃষি সম্প্ৰসাৰণ ব্যৱস্থাপনা প্ৰতিষ্ঠান, কৃষি মন্ত্ৰালয় আৰু কৃষক উন্নয়ন বিভাগে ৰাষ্ট্ৰীয় পৰ্যায়ত এই কাম-কাজসমূহত সহযোগিতা আগবঢ়াব।

            প্ৰশিক্ষণৰ কাৰ্যকলাপসমূহ ৰাজ্যিক পৰ্যায়ত ৰাজ্যিক কৃষি ব্যৱস্থাপনা আৰু সম্প্ৰসাৰণ প্ৰশিক্ষণ প্ৰতিষ্ঠানসমূহৰ জৰিয়তে ৰূপায়ণ কৰা হব আৰু জিলা পৰ্যায়ত কৃষি প্ৰযুক্তি ব্যৱস্হাপনা অভিকৰণৰ জৰিয়তে সহযোগিতা আগবঢ়োৱা হব। গ্ৰামীণ যুৱক-যুৱতীসকলক প্ৰশিক্ষণ ৰাজ্যিক/জিলা পৰ্যায়ত কৃষি বিজ্ঞান কেন্দ্ৰসমূহ, নেহৰু যুৱ কেন্দ্ৰসমূহসমূহ FTCসমূহ আৰু /নাইবা অন্যান্য চিহ্নিত প্ৰশিক্ষণ প্ৰতিষ্ঠানসমূহৰ দ্বাৰা প্ৰদান কৰা হব।